ළමා සංවර්ධන හා කාන්තා අභිවෘද්ධි ඇමතීනි .

සුමේධා ජී ජයසේන මැතිනීය.

පරිවාස හා ළමාරක්ෂක සේවා දෙපාර්තමේන්තුවේ කොමසාරිස්.

ඩී. එම්. එස්. අබයගුනවර්දන මහතා.
 
  ශ්‍රී ලංකාවේ “පරිවාස සේවය” ආරම්භවී ඇත්තේ බන්ධනාගාර දෙපාර්තමේන්තුව යටතේ 1945 මාර්තු 12 දිනය වැටුප් ලබන පරිවාස නිලධාරීන් 10 දෙනෙකු පත්කිරීමෙන් එය ආරම්භ කර ඇත. එහෙත් ඊට පෙර සිටම එනම් 1919 පසුව විටින් විට පරිවාස ක්‍රමය ශ්‍රී ලංකාවේ උසාවි වල ස්වේච්ඡා පරිවාස නිලධාරීන් හරහා ක්‍රියාත්මක වී තිබේ. 1944 අපරාධකරුවන් පරිවාස භාරයේ තැබීමේ පනත ප්‍රකාශයට පත්වූ අතර, ඒ අනුව, 1950 වනවිට සියළු අධීක්ෂණ කලාප ආවරණය වන පරිදි පරිවාස නිලධාරීන් පත්කර පරිවාස ක්‍රමය ව්‍යාප්ත කර ඇත. පරිවාස ක්‍රමයේ ව්‍යාප්තියත් සමග 1939 අංක 48 දරණ ළමයින් හා තරුණයින් පිළිබද පනත ක්‍රියාවට නැගී ඇත. පරිවාස ක්‍රමය බන්ධනාගාර දෙපාර්තමේන්තුව යටතේ ක්‍රියාත්මක වීම නිසා කලකදී බන්ධනාගාර දෙපාර්තමේන්තුව බන්ධනාගාර හා ප්‍රොබේෂන් දෙපාර්තමේන්තුව ලෙසද හදුන්වා තිබේ. මෙසේ බන්ධනාගාර දෙපාර්තමේන්තුව යටතේ ක්‍රියාත්මකවූ පරිවාස ක්‍රමයද ඇතුළත් කරමින් 1956 ඔක්තෝම්බර් 01 දින පරිවාස හා ළමාරක්ෂක සේවා වශයෙන් මෙම දෙපාර්තමේන්තුව වෙනම දෙපාර්තමේන්තුවක් ලෙස ආරම්භකර ඇත. දෙපාර්තමේන්තුව පිහිටුවීමේදී පහත අරමුණු ඉටුකර ගැනීමට රජය අපේක්ෂා කර ඇත.  
 
 
  • අපරාධකරුවන් බන්ධනාගාර ගතවීම සීමා කරමින් දඩුවම වෙනුවට පරිවාස ක්‍රමවේදය මගින් ඔවුන් පුනරුත්ථාපන කොට යහපත් පුද්ගලයින් ලෙස නැවත සමාජයට අන්තර්ග්‍රහණය කිරීම.
 
 
  • අපාචාරී ළමුන් හා යෞවනයින් පිළිබද විශේෂිත සහනශීලී අධිකරණ ක්‍රියාමාර්ග ගැනීම.
 
 
  • සේවා අවශ්‍ය ළමයින්ට / තරුණයින්ට සේවා සැලසීම
 
 
  • එවැනි ළමුන්ට හැකිතාක් තම පවුල් සමග ජීවත්වීමට අවස්ථාව ලබාදීම හා ආරක්ෂාව සැලසීම
 
 
  යන අරමුණු ඇතිව මෙම දෙපාර්තමේන්තුව පිහිටුවා ඇත. පාලන බලතල, පළාත් සභාවලට පැවරීමෙන් පසුව දෙපාර්තමේන්තුවේ යම් යම් කාර්යභාරයන් පළාත් පරිවාස කොමසාරිස්වරුන් ‍වෙත විමධ්‍යගත කර ඇත.  
  ළමුන් මුහුණ පාන නීතිමය, ගැටළු සම්බන්ධයෙන් මෙන්ම ළමා අයිතීන් කඩවීම් සම්බන්ධවද ආරක්ෂාව අවශ්‍ය ළමුන්ට ආරක්ෂාව සැලසීම සම්බන්ධයෙන්ද, අපයෝජනයටපත් ළමුන්ගේ ආරක්ෂාව සම්බන්ධයෙන්ද සේවා ලංකාවේ පිහිටුවා ඇති පරිවාස කාර්යාල හරහා ලබාගත හැකිය. එම කාර්යාල වල පරිවාස නිලධාරීන් හමුවීමෙන් හෝ ලිඛිතව දනවා සිටීමෙන් එම ‍සේවා ලබාගත හැකිය.  
 

මීට අමතරව දේශීය වශයෙන් ළමුන් කුලවද්දා ගැනීට අපේක්ෂිත, එමෙන්ම, ළමුන් ළමා නිවාසගත කිරීමට අවශ්‍ය අයටද, ළමා අයිතීන් සම්බන්ධ දැනුවත් වීම, දිවා සුරැකුම් මධ්‍යස්ථාන ලියාපදිංචි කිරීම, ළමා නිවාස ලියාපදිංචි කිරීම සම්බන්ධ තොරතුරු හා සේවා පරිවාස කාර්යාල වලින් මෙන්ම ඒ ඒ පළාත් වල පිහිටුවා ඇති පරිවාස හා ළමාරක්ෂක සේවා පළාත් කොමසාරිස් කාර්යාල වලින් ලබාගත හැකිය.

 
  පරිවාස කාර්යාලවල ලිපිනයන්, දුරකථන අංක සහ පළාත් පරිවාස කාර්යාල වල ලිපිනයන් හා දුරකථන අංක